Cawdel Ferry

Cawdel Ferry is a smooth, thick soup usually made with wine and thickened with eggs, similar to today's Zabaglione.

Forme of Cury (England, 1390)

Cawdel Ferry. XX.II. I. Take flour of Payndemayn and gode wyne. and drawe it togydre. do þerto a grete quantite of Sugur cypre. or hony clarified, and do þertosafroun. boile it. and whan it is boiled, alye it up with zolkes of ayrenn. and do þerto salt and messe it forth. and lay þeron sugur and powdour gyngur.

Two fifteenth-century cookery-books, Potage Dyvers, 1430

.xlvij. Cawdelle Ferry.—Take ȝolkys of eyroun Raw, y-tryid fro the whyte; þan take gode wyne, and warme it on þe potte on a fayre Fyre, an caste þer-on ȝolkys, and stere it wyl, but let it nowt boyle tylle it be þikke; and caste þer-to Sugre, Safroun, & Salt, Maces, Gelofres, an Galyngale y-grounde smal, & flowre of Canelle; & whan þow dressyst yn, caste blanke pouder þer-on.

47. Caudell Ferry - Take yolks of eggs, raw, separated from the white, then take good wine and warm it on the pot on a fair fire, and caste there-on yolks, and stir it well, but let it not boil till it be thick, and caste there-to sugar, saffron, and salt, maces, gillyflowers and galangal ground small, and flour of cinnamon, and when you dress in, cast white powder there-on.

.Cxxxix. Caudel Ferry departyd with a blamanger.—Take Fleysshe of Capoun, or of Porke, & hakke hem smal, & do it in a mortere an bray it wyl, & temper it vppe with capoun broþe þat it be wyl chargeaunt; þan nym mylke of Almaundys, take ȝolkys of eyroun̛, & Safroun, & melle hem to-gederys þat it be ȝelow, & do þer-to pouder Canelle, & styke þer-on Clowis, Maces, & Quybibis, & serue forth [supplied by ed.] .

Liber cure cocorum [Sloane MS 1986] (England, 1430)

Kaudel Ferry. Take almondes unblanchyd, so have þou cele, And wasshe hom fayre and grynd hom wele. Temper hom up with wyne so clene, And drau3e hom þorowgh a canvas shene. In pot þou coloure hit with safron, And lye hit up with Amydone, Or with floure of ryse so fre. Ry3t thykke loke þou þat be. Seson hit withsugur grete plenté, Florysshe hit with maces, I tel þe.

A Noble Boke off Cookry (England, 1468)

To mak cawdelle ferry tak unblanched almonds wesshe them and grind them and temper them up with wyne and drawe it throughe a canvas into a pot and colour it with saffron and alay it up with amydon or flour of rise and se that it be thik sesson it with sugur and florishe it with maces and serue it.