Furmenty with purpaysse (porpoise)

from Two Fifteenth-Century Cookery-Books (England, 1430)

lix - Furmenty with purpaysse. Make thin Furmenty in the maner as I sayd be-fore, saue temper it vp with Almaunden, Mylke, and Sugre, and Safroun, than take thin Purpays as a Freysshe Samoun, and sethe it in fayre Water; and when he is I-sothe y-now, bawde it and leche it [correction; sic = leche it leche it] in fayre pecys, and serue wyth Furmenty in hote Water.

Recipe for Furmenty

.viij. Venyson with Furmenty.—Take whete and pyke it clene, and do it in a morter, an caste a lytel water þer-on; an stampe with a pestel tyl it hole*. [Hull, lose the husks. ]; þan fan owt þe holys,*. [Hulls; husks. ] an put it in a potte, an let sethe tyl it breke; þan set yt douun, an sone after set it ouer þe fyre, an stere it wyl; an whan þow hast sothyn it wyl, put þer-inne swete mylke, an seþe it y-fere, an stere it wyl; and whan it is y-now, coloure it wyth safron, an salt it euene, and dresse it forth, & þin venyson in a-nother dyshe with fayre hot water.